Dva komšije su se sastali u birtu, počeli se šprkat.
– Ja sem bolji neg si ti.
– Nisi ti nikaj bolji od mene. Čekaj da ti pripovedam da do sem ja do si ti. Znaš da je sveti Josip bil Isusov otec na zemlje. I kad je Isus mrel, oni su dalje živeli z majkum Božum, pa su izrodili posle jednu kčer. Kad je ta kčer dorasla za udadbu, ona se obrekla jednom momku, ali od oca ju je zaprosil jedan drugi momak iz drugega sela, a iz trejtega sela jedan od matere. I oni su im obrekli kčer.
I to je tak Bog dal da su zarekli svate za jedan dan. Kad su mladoženje došle, bilo i je tri a mlade samo jedna. Nisu znali kaj da deladu neg jim se u snu pojavil anđel pa jim je rekel da zapru jednu krmaču i jednu kuju s kčerjum da prenoće. Kad je svenulo, ono su izišle tri jednake devojke tak da ni otec ni mati nisu znali koja je prava.
Kad je prešlo skoro godina dana, pošli su otec i mati u goste k zetmi. U prvo selo su je rado dočekali, otprli unapred kapiju pa su je častili i gostili.
Onda su pošli u drugo selo k drugome zetu. Pitali su da de mu je iža. Kad su tam stigli, nisu mogli da otpru kapiju od nereda i rusvaja velikoga. Tam nisu bili ni dočekani pa su pošli trejtomu zetu.
U tem selu nisu morali ni da pitadu da de im zet sedi, jel su od velike larme i svadnje saznali da de je.
Eto vidiš od onoga prvoga zeta sem ja, a njegva žena je bila prava kčer Josipova. Kaj misliš jesi l ti od drugog je l od trejteg zeta Josipova?!
Pričao Stipe Ilijević Dekić, Boka
Hrvatske narodne pripovijetke iz Vojvodine, 1960.

Manje poznate riječi:

tet – htjeti
šprkat se – prkositi, inatiti se
do – tko
obreć se – obećati se (za udaju)
zareć – dogovoriti, ugovoriti
delat – raditi
zapret – zatvoriti
otprt – otvoriti
iža – dom, kuća